Berriak
Elisa Medde Foto Colectania Fundazioko zuzendari berria
Pepe Font de Morak erretiroa hartu eta kargua utzi du hogeita bost urteren ondoren
Pepe Font, hogeita hiru urteren ondoren, erretiroa hartuko du eta Foto Colectania Fundazioko zuzendari kargua utziko du, nahiz eta kanpoko aholkulari gisa lotuta jarraituko duen. Kargu berria Elisa Meddek beteko du, nazioarteko arloan hamabost urte baino gehiagoko esperientzia duena, editore, komisario, zuzendari artistiko eta irakasle gisa lan egin baitu. Bere ibilbidea irudiaren, boterearen eta komunikazio-egituren arteko harremanen azterketa kritikoan oinarritu da, diziplina anitzeko ikuspegi batetik eta hizkuntza bisual eta artxiboekin konprometituta.
Elisa Meddek urriaren 1ean hartuko du kargua eta honakoa adierazi du: “Poz handiz hartzen dut Foto Colectaniako zuzendari kargua, Mario Rotllant eta Pepe Font de Morak urratutako bide apartekoari jarraituz, nire ibilbidean urrats oso naturala eta zirraragarria dela uste baitut. Foto Colectania erakunde ederra da, sustrai sakonak eta adar sendoak dituena, eta oso pozik nago talde bikain horretan sartzeaz, eta horrekin batera erakundeak landu duen komunitate baliotsuari zerbitzatzea espero dut”.
Bartzelonako Foto Colectania Fundazioaren eginkizun nagusia argazkilaritza eta argazki bildumagintza zabaltzea da gizarte, arte eta hezkuntza arloetan, bai tokiko bai nazioartean. Espainiatik, Kataluniatik eta Portugaletik datozen gutxienez 80 egileren 3.000 argazki lan baino gehiago gordetzen ditu, gehienak 1950etik gaur egunera artekoak. Paco Gómez argazkilariaren ondarea barne hartzen du, 2001ean dohaintzan emana, eta beste bildumagile pribatu batzuen ekarpenak.
Pepe Font de Morak, Fundazioarekin lotura jarraituko duenak Bildumaren kanpoko aholkulari gisa, azaldu duenez, "Foto Colectania izan da niretzat imajinaezinak ziren proiektu asko egiteko aukera izan dudan lekua, argazkilari, bildumagile eta hainbat argazkilaritza zaleren konpainian. Hainbeste programa burutu dituzten talde eta kolaboratzaile ezberdinek beren balioa eman dute, eta ilusio puntu eskuzabal horrek, fundazioa harrera-gune eta beharrezko bihurtu du. Mario Rotllantek hasieratik ikusten zuen ametsa, oraindik ere geldiezina da eta ziur nago etorkizun liluragarria duela".
